Këngëtari Pete Burns vdiq në moshën 57-vjeçare, konfirmoi menaxheri i tij. Në një deklaratë në “Twitter”, menaxheri i tij shkruan: “Me trishtim të madh duhet të themi lajmin tragjik se i dashuri ynë, Pete Burns (i “Dead Or Alive”) vdiq papritur dje nga një atak kardiak”.
Burns ishte një ndër emrat më të shquar të muzikës pop-rock, si vokalist dhe themelues i grupit “Dead Or Alive” në 1980-n, por edhe pjesëmarrës në disa shfaqje televizive. Ai gjithashtu njihej për faktin se iu nënshtrua 300 operacioneve plastike ndër vite.
Ndarja e tij nga jeta vjen vetëm pak ditë para se albumi i bandës së tij “Sophisticated Boom Box MMXVI” do të prezantohej më 28 tetor.
Pak kohë më parë, Burns u bë përsëri pjesë e mediave për shkak të operacioneve plastike, të cilat i shkaktuan probleme të shumta me lëkurën. Më herët këtë vit, Burns pranoi se ai i ishte nënshtruar më shumë se 300 procedurave për të rregulluar operacionet në fytyrën e tij, të cilat e futën në depresion dhe të luftonte për jetën.
Ylli, i cili e lidhte veten me monstrën Frankenstein, premtoi se nuk do të hynte më kurrë në operacion për përsosmërinë e fizikut.
“Numri i operacioneve që u jam nënshtrua është ndoshta 300. Shpresoj që kur të bëhem 80 vjeç dhe të shkoj në parajsë, Zoti mos të më njoh”, tha ai dikur.
Burns ishte i fiksuar me ndryshimin e fytyrës së tij, që nisi dy dekada më parë, në kohën e suksesit të tij me hitin “You Spin Me Round”.
“Kuptova që do të bëhesha një person i njohur dhe duhet të dukesha mirë. Kisha një hundë të thyer”, tha dikur Burns.
Hiti i “That’s The Way” nuk do të harrohen kurrë.
Burimi: Daily Mail
