“Iconstyle” tre ditë më parë publikoi një video në të cilën shihej se si një grua shkelmonte pa mëshirë qenin e saj brenda një ashensori pallati.
Videoja u bë menjëherë virale dhe reagimet ishin të shumta kundër gruas dhunuese. Gruaja më pas u identifikua si Gera Kulla.
Pas zhurmës së madhe që shkaktoi kjo ndodhi, ‘Piranjat’ kanë shkuar në apartamentin e zonjës.
E pyetur në lidhje me dhunën e pajustifikueshme që ushtroi ndaj qenushit në ashensor, gruaja tregoi se paraditen e asaj dite kishte dalë bashkë me qentë e saj për xhiron rutinë të tyre dhe gjatë asaj kohe qeni në fjalë ishte ndotur me jashtëqitjen e tij.
Nga ngarkesa e kohës e cila nuk premtonte për ta pastruar sipas saj, zonja ishte e mbingarkuar emocionalisht duke shpërthyer në atë sjellje barbare.
Shkaku i dhunës ndaj qenit të gjorë pra ka qenë se ishte i pisët, gjë që e ka “zemëruar” zonjën në fjalë.
Pas publikimit të videos dhe zhurmës në rrjetet sociale, katër qentë, tashmë janë marrë për adoptim.
