13 vite më parë, Khalil Rafati ishte i pastrehë, i varur nga heroina dhe jetonte në lagjen famëkeqe të Los Angeles, Skid Roë. Ai ishte i dobët, vuante nga ulcera dhe peshonte 48 kg.
Sot është një milioner!
Rafati është themeluesi i zinxhirit të njohur “SunLife Organics”, i specializuar në shitjen e lëngjeve të frutave, të cilën e nisi në vendlindjen e tij në Malibu në gjashtë destinacione të tjera në Los Angeles.
Në 2001 ishte duke vdekur për shkak të një mbidoze heroine. Rafati iu dedikua shëndetit dhe të qenit i padroguar, por momenti që i ndryshoi jetën ishte kur një mik i prezantoi “ekstraktet e lëngjeve dhe super-ushqimet”.
Më pas Rafiti u dezintoksikua dhe hapi një komunitet rikuperimi në vitin 2007, ku u ofronte mysafirëve lëngjet e tij të frutave. Ato lëngje nisën të jenë një sukses i vërtetë dhe shumë njerëz shkonin në qendrën e tij vetëm për t’i provuar.
“Lëngjet ishin për rinovimin dhe forcimin e pacientëve. Dhe për t’u dhënë atyre një forcë shumë të nevojshme”, tha ai për Times.
Falë një borxhi prej 50,000 dollarësh, Khalil mundi të hapte dyqanin e tij të parë. Sot mes klientëve të tij në dhjetëra dyqane në shumë vende të botës, numërohen edhe personazhe të njohur si, Elizabeth Taylor, kitaristin e Guns N’ Roses, Slash, Red Hot Chili Peppers, Anthony Kiedis dhe Jeff Bridges.
Misioni i Rafati-t në dyqanin e parë ishte i thjeshtë. Ai dëshironte të “donte, shëronte dhe frymëzonte”.
Përbërësit në pijet e tij përfshijnë ujin e Alkaline-s, kripën rozë të Himalajave Pink dhe rukola, i zgjedhur në mënyrë specifike për kontributin e tyre në shëndetin e trupit.
Burimi: Daily Mail
