Stadiumi ‘Air Albania’ mbrëmjen e djeshme bëri bashkë shumë personazhe të njohur shqiptarë, të cilët ‘brohoritën’ për fitoren e ekipit të zemrës.
Ndryshe ka ndodhur me Donaldin i cili përpos dëshirës së madhe, ndeshjen e ka ndjekur nga shtëpia dhe “fajtore” për këtë është Bora.
Kjo e fundit ka publikuar disa video ku tregon se ata kishin prerë biletat për në stadium por Bora ishte vonuar në punë dhe nuk mundën të shkonin, gjë që kishte mërzitur Donaldin.
Me humor, ajo thotë se Donaldi s’di të gëzohet për Shqipërinë për fitoren apo t’i mbajë inat Borës.
Në këmbim, moderatorja i premton se do të presë biletat për në Gjermani në mënyrë që të shlyejë fajin.
Kombëtarja shqiptare e futbollit fitoi 3-0 kundër Çekisë në “Air Albania”, për grupin E të Euro 2024. Në stadiumin e tejmbushur të Tiranës vendosi goli i Jasir Asanit në minutën e 10-të dhe dopieta e Taulant Seferit në minutat 51 dhe 73. Me këtë sukses djemtë e Sylvinhos ngjiten me 13 pikë në krye të grupit dhe janë me një këmbë në fazën finale të “Gjermani 2024”.
