Modelja Chiara Feraggni është detyruar të lërë me urgjencë Parisin, ku u shpërngul disa ditë për të marrë pjesë në ‘Javën e Modës’. Sipas ‘Corriere della Sera’, shkak është bërë bashkëshorti i saj Fedez, reperi i njohur italian, i cili ndodhet në spital.
Ai iu nënshtrua një operacioni për ulçerë gastrike dhe thuhet se është mirë. Po ashtu, sipas të njejtit burim, raportohet se reperi është operuar me urgjencë për shkak se ka pasur hemorragji por për momentin gjithçka është në rregull.
Ndërkohë në rrjetet sociale nuk ka asnjë shenjë nga reperi, i cili vitin e kaluar iu nënshtrua një operacioni për kancer pankreatik.
