Marge Simpson dikur justifikonte blerjen e një kostumi “Chanel” mbi çmimin normal me idenë se kishte ndihmuar në ekonominë e vendit.
Dicka e ngjashme së fundmi ka kapluar TikTok-un, i quajtur “Girls Math”.
Ky trend i ri duket si një “shërim” për vajzat dhe gratë që shpenzojnë shumë dhe më pas pendohen.
Trendi i “Girls Math” u fol për herë të parë në stacionin radiofonik të Zelandës së Re “FVHZM” dhe sot është kthyer në një fenomen në të gjithë botën.
Si funksionon “matematika e vajzave”?
Sipas prezantuesve të radios “FVHZM” Fletch, Vaughan dhe Hayley “Girl Maths” funksionon duke marrë çmimin e një veshjeje dhe më pas duke e pjestuar atë me numrin e herëve që është veshur. Pra nëse ti ke blerë një fustan të shtrenjë dhe e ke përdorur disa herë, ti në fakt nuk ke shpenzuar por ke dalë me fitim madje.
Për shembull, nëna e Hayley-t bleu një fustan mëndafshi nga një dyqan marke në Itali për 1000 euro, por kjo shifër nuk është asgjë kur u konsiderua se ai mund të vishej për dy dasma. “Pra, në thelb është falas!” ajo tha.
Gjithashtu, fustanet janë me 50 për qind ulje, sepse ju duhet të vishni vetëm një veshje, në vend që të blini për shembull këmishë dhe pantallona.
Përpos kësaj ju nuk stresoheni duke kombinuar dy artikuj, kështu që po kurseni edhe stresin mendor.
