Reperi i njohur Don Xhon ka bërë sot të lumtur një familje në nevojë. Ai njihet për veprat e tij humane e në këto raste nuk kanë munguar as mesazhet e thirrjet sensibilizuese të reperit, për këdo që mund të ndihmojë familjet me vështirësi ekonomike dhe sociale.
Dje ai ishte në Suharekë ku takoi kreun e shoqatës ‘Jetimat e Ballkanit’, Halil Kastrati për të dhuruar një shtëpi. Këtë e bëri të ditur vetë Halili në një postim, ku e falënderon artistin që po gëzon një familje.
Don Xhon e rishpërndau në rrjetet sociale fotografinë me Halilin, duke bashkëngjitur një mesazh të vyer për të gjithë.
“E falënderoj Zotin që në këtë moshë të re na e ka mundësuar që me i ndihmu dikujt edhe me e bë të lumtur. Nuk ka ndjenjë më të mirë sesa me e gëzu dikë, për atë edhe e kemi publiku, jo për marketing, por për t’ju bërë thirrje krejt juve që keni mundësi që të ndihmoni sado pak. Krejt nga pak bëhet shumë! Zoti na rujt krejeve”, ka shkruar reperi.
Reperi është përgëzuar nga fansat, ndjekësit dhe dashamirësit e tij për gjestin human. Kujtojmë që kjo nuk është hera e parë që Don Xhoni bën një gjest të tillë. Ai ka ndihmuar disa familje në nevojë, e këtë e ka treguar në shumë dalje televizive.
