Justin dhe Hailey Bieber festuan të mërkurën e kaluar, më 13 shtator, përvjetorin e pestë të martesës. Çifti është një nga më të afirmuarit në fushën e personaliteteve amerikane. Si nderim për këtë datë të shënuar, çifti ka ndarë disa foto në llogaritë e tyre personale në Instagram, në të cilat shihet marrëdhënia e mirë mes të dyve.
“5. Të dua”, ka shkruar Hailey në një mesazh.
Ndërsa Justin Bieber shkroi: “Për më të çmuaren, e dashura ime. 5 vjet. Më ke rrëmbyer zemrën. E di nga thellësia e shpirtit deri në kockat e mia se ky udhëtim me ty vetëm do t’i tejkalojë pritjet tona më të çmendura. Kështu që le të vazhdojmë të ëndërrojmë madhështore, zemër. Gëzuar përgjithmonë e përgjithmonë.Të dua me gjithë qenien time, gezuar 5 vjetorin!” ka shkruar këngëtari kanadeze.
A është Hailey Bieber shtatzënë?
Duke përfituar nga ky moment, në rrjetet sociale filloi të qarkullonte një thashethem që po merrte vrull orët e fundit. Një pyetje që është ngritur në raste të mëparshme pa një përgjigje të qartë. A është Hailey shtatzënë? Nuk është hera e parë që lind kjo pyetje.
Më parë, modelja ishte parë e veshur me rroba të gjera që mbulonin barkun dhe disa fotografi të bëra nga paparacët krijuan paqartësi tek ndjekësit e të dy personaliteteve.
Tani është një imazh që është bërë viral në X (ish-Twitter) që ka ndezur alarmin. Një pamje e supozuar e një posimi në Instagram të Hailey, në të cilën ajo ndau një test shtatzënie, bëri që rrjetet të ‘shpërthejë’. Megjithatë, imazhi nuk duket real, prandaj, gjithçka duket se është rezultat i një redaktimi mjaft të mirë.
