Kur një çift vendos se marrëdhënia e tyre ka përfunduar, procedimet vazhdojnë pavarësisht nga koha e vitit, por ka muaj të caktuar, sipas statistikave, kur divorcet “bum”.
Sipas të dhënave të kompanisë ligjore FindLaw, është muaji mars, kur përqindja e personave që kërkojnë terma si “divorci, ligji familjar, kujdestaria e fëmijëve” rritet me 50% në faqen e saj.
“Ndërsa mendimet për divorcin fillojnë më herët, dhe po ashtu edhe ndërmarrja e veprimeve të tilla si konsultimi me terapistin e një çifti në përpjekje për të shpëtuar martesën, shumë gra dhe burra e vonojnë vendimin, gjë që do të shtojë stresin në sezonin e Krishtlindjeve”, shpjegon avokati Mark Ohnstad.
Ekziston edhe një arsye tjetër pse normat e divorcit duket se rriten në muajt pas festave: një studim zbuloi se mes bashkëshortëve jobesnikë , 56% e burrave dhe 42% e grave e tradhtuan partnerin e tyre gjatë Krishtlindjeve. Një zbulim i tillë mund të jetë pika e fundit në një martesë.
Por ka edhe një arsye praktike pse dikush mund të vonojë përfundimin zyrtar të martesës së tyre: ndoshta ata vendosin që, nga pikëpamja tatimore, është në interesin e tyre më të mirë të paraqesin një deklaratë të përbashkët të të ardhurave deri në fund të vitit, përpara se ajo të ndryshojë dhe çifti shkojnë në rrugë të ndara, dhe financiarisht.
