Kemi hyrë në javën e re dhe pse jo mos të dini si do t’i keni punën nga ana astrologjike.
Lexoni më poshtë për të zbuluar si do të shkojë kjo javë për secilën shenjë:
DASHI: Kjo javë do t’ju gjejë të çorientuar. Nuk do të tregoheni të hapur ndaj gjërave të reja dhe nuk do ta keni atë çiltërsinë e zakonshme që ju karakterizon. Njerëzit do të hezitojnë t’ju afrohen dhe shkak do të bëhet largësia juaj. Në punë do të doni që të keni gjithmonë fjalën e fundit dhe për këtë arsye kolegët do të flasin pas shpinës suaj. Yjet ju këshillojnë që të jeni më të përqendruar.
DEMI: Ju jeni njerëz të besueshëm në dashuri, veçanërisht kur jeni të përfshirë shpirtërisht. Ata që ju qëndrojnë pranë e dinë se mund të mbështeten te ju. Këtë javë duhet të bëni kujdes që të mos tregoheni shumë të hapur me ata njerëz që mund të përfitojnë nga mirësia juaj, ndonjëherë jeni pak naivë. Mos u merrni me pengjet e së kaluarës, eliminojini nga jeta juaj.
BINJAKËT: Këtë javë do të ndiheni disi të shpërqendruar dhe prandaj mund edhe të gaboni. Nga ana tjetër, doni që të tregoheni të hapur ndaj dashurisë, ia vlen të provoni diçka të re dhe emocionuese, që mund t’ju çojë në qiellin e shtatë. Marrëdhëniet e gjata nuk do të shkojnë dhe aq mirë, pasi ju e keni të vështirë që të dorëzoheni pa kushte.
GAFORRJA: Kjo javë do t’ju gjejë plot gjallëri. Dëshironi të arrini shumë në aspektin profesional dhe t’i ndërtoni vetes një të ardhme të ndritur. Kolegët shpesh ju shpotitin se jeni dembel, por ata nuk e dinë se ç’jeni në gjendje të bëni kur i vini synim vetes që të shkëlqeni. Ju jeni strategë dhe si të tillë angazhoheni me mish e me shpirt që të arrini atë që doni. Tregohuni sa më ambiciozë.
LUANI: Do të keni fat këtë javë si në punë dhe në dashuri. Sidoqoftë, mendja juaj është e pushtuar nga kaq shumë mendime, sa duhet të përpiqeni të qetësoheni dhe të vendosni rregull, të kuptoni se çfarë doni të bëni dhe ku doni të arrini. Jeni ambicioz, por aspiratat e mëdha nuk duhet t’ju bëjnë që të humbni rrugën e arsyes. Yjet ju këshillojnë që të jeni më të organizuar.
VIRGJËRESHA: Jeni shumë të ngurtë me veten dhe me të tjerët dhe kjo ju bën të dukeni të pakëndshëm dhe mendjemëdhenj në sytë e të njohurve dhe të njerëzve të rinj që do të takoni. Tregohuni pak më elastikë në marrëdhënie me ta, në mënyrë që të shmangni tensionet e mundshme. Grindjet do të jenë në rend të ditës. Yjet ju këshillojnë që të mos ngulni këmbë në bindjet tuaja pa bërë asnjë lëshim.
PESHORJA: Tregohuni pak më pasionantë këtë javë, pasi partneri juaj po jua kërkon me shumë butësi. Shpesh i merrni si të mirëqenë ata që keni pranë, veçanërisht nëse është një marrëdhënie e gjatë. Mos u tregoni të ftohtë, kur dini shumë mirë si të jeni përfshirës dhe t’i bëni njerëzit për vete. Gjallërojeni lidhjen tuaj, edhe pse hera herës ju duket si një supë e ringrohur.
AKREPI: Vështirë se mund ta ndalësh një aventurier të vërtetë dhe këtë javë do të keni mundësinë të përjetoni përvoja të reja sentimentale që mund t’ju përfshijnë ëmbëlsisht. Marrëdhënia me partnerin do të bëhet shumë pasiononte, s’do të lini gjë pa provuar. Vetëm kini kujdes që të mos e ndërlikoni jetën tuaj me një njohje të vështirë.
SHIGJETARI: Pas shumë mundimesh, më në fund do të ndiheni të lehtësuar dhe të shpërblyer. Do të merrni kënaqësi të madhe në dashuri dhe në punë. Thjesht përpiquni të mos i frenoni emocionet tuaja kundrejt personit që doni, duhet të tregoheni të hapur për t’i vërtetuar edhe një herë partnerit sa njeri i mrekullueshëm jeni. Kolegët ju adhurojnë, ju i ndihmoni të gjithë me vetëmohimin dhe altruizmin tuaj.
BRICJAPI: Duhet të përpiqeni të shmangni debatet këtë javë, njerëzit flasin dhe nuk bien dakord me mënyrën tuaj të të menduarit dhe të vepruarit. Nëse nuk do të arrini ta gjeni gjuhën e përbashkët me ata që keni pranë, puna mund të shkojë deri në grindje dhe ju duhet të përpiqeni të frenoni instinktin për t’i thënë gjërat troç. Ka nga ata që nuk duan të dëgjojnë arsyet tuaja dhe do të bëjnë çmos për t’ju bërë të dukeni keq.
UJORI: Jeni të guximshëm dhe të sinqertë, nuk ju intereson çfarë thonë dhe mendojnë të tjerët, ecni në rrugën tuaj, gjithashtu ju pëlqen të jeni sa më aktivë dhe këtë javë do të bëni gjithçka për të qenë në qendër të vëmendjes dhe do t’ia dilni mbanë. Do të dini të jeni sa më origjinalë dhe do t’i arrini qëllimet tuaja si në punë dhe në dashuri.
PESHQIT: Në punë do të ecni përpara, do t’ju ofrohen mundësi që nuk duhen humbur. Do të jeni intuitivë dhe të paparashikueshëm për veten dhe për ata që ju qëndrojnë pranë. Ju mund ta ndryshoni fatin tuaj në një çast nëse dëshironi, keni aftësinë t’i ktheni situatat sentimentale dhe të punës në favorin tuaj. Janë të shumtë ata që ju kanë zili, por ju thjesht i injoroni. Vazhdoni përpara pa u ndalur.
