Këngëtarja e njohur Ellie Goulding u godit nga një fishekzjarre gjatë performancës së saj në Festivalin “Victorious” në Portsmouth të Anglisë. Ajo ishte duke interpretuar bashkëpunimin me Calvin Harris, “Miracle”, kur fishekzjarret e prekën në trup.
“Ah”, bërtiti Goulding e habitur ndërkohë që po largohej nga skena.
Megjithatë, ajo e vazhdoi këngën dhe interpretimin sikur asgjë të mos kishte ndodhur.
Momenti ka qenë aq i shpejtë sa shumë fansa as që e kanë kuptuar fillimisht se çfarë kishte ndodhur.
@random.15071 #elliegoulding #victoriousfestival ♬ original sound – Emilia hollands
“Unë shkova atje dje … E pashë atë, por nuk e dija se ajo u godit”, komentoi një person.
“Nuk e kuptova se kjo ishte arsyeja pse ajo qeshi”, ka shkruar një tjetër person.
Raportohet se Ellie nuk ka pësuar lëndime.
