Ajo lindi vetëm 1,7 kilogramë, megjithatë ia doli të vinte në jetë dhe të gëzojë shëndet të plotë. Një foto e një vogëlusheje të sapolindur duke qeshur, po i çudit përdoruesit e rrjeteve sociale.
Fotoja u shpërnda nga faqja: “Love What Matters” në Facebook, ku një fragment nga rrëfmi i nënës jep mesazhin më të fuqishëm për jetën.
“Vajza jonë e parë, kur ishte pesë ditëshe. 1.7 kilogramë, ajo ishte kaq e lumtur që erdhi në jetë! Këtë foto e kam parë herë pas here, për të kapërcyer ulje-ngritjet e ditëve në kujdesin intensiv të maternitetit. Jeta është kaq e çmuar!”
Fotoja ka marrë mbi 200 mijë pëlqime në Facebook dhe është shpërndarë mbi 37 mijë herë.
