Një drama e re po ndodh në showbiz-in shqiptar!
‘Iconstyle’ ju tregoi se Dafina Zeqiri kishte hequr nga rrjeti social ‘Instagram’ Ledri Vulën dhe partneren e tij, Sara Hoxhën. E pas këtij veprimi, ka reaguar vetë Dafina.
Në një status ajo shkruan se ka vendosur tu bëjë ‘unfollow’ dhe të mbyllë marrëdhëniet me njerëz që ajo i ka respektuar, ndërkohë ata sipas saj, kanë bërë të kundërtën për vëmendje.
“Kam vendosur tu bëj ‘unfollow’ dhe të mbyll marrëdhëniet me njerëz që unë, si Dafina, i kam respektuar. Ndërkohë, në këmbim ata kanë bërë të kundërtën për vëmendje. PIKË.“
Kujtojmë se Dafina dhe Ledri u bënë viral këto kohë për shkak të një vargu të njëjtë në dy këngët e tyre të fundit.
Në bashkëpunimin me Romeo Veshajn që publikoi pak javë më parë, Ledri thotë: “T’i kom dhon krejt/ T’i kom dhon krejt/ Ama loçkë më le vetëm”.
Kurse Dafina në projektin me Elgit Dodën që solli para pak ditëve thotë: “Se t’i kom dhon krejt/ E mi ke dhon krejt/ Ama sot prap vetëm”.
Aludimet ishin të ndryshme, madje u përmend se dyshja po i dërgonte mesazhe tjetrit me anë të muzikës.
E kur rrjeti vijon të ziejë, Ledri i hodhi benzinë zjarrit me një koment.
“T’i kom dhon krejt”– ishte komenti i Ledrit të cilin ndjekësit e vunë re menjëherë, por ai e fshiu komentin.
Nuk dihet nëse Sara u bë xheloze, apo se çfarë mund të ketë ndodhur që marrëdhënia mes tyre u përça.
