Madonna shpreson të bindë Britney Spears që t’i bashkohet asaj në skenë në turneun e saj të ardhshëm “Celebration”, thonë burimet për Page Six. Superyjet e popit kanë qenë prej kohësh mikesha dhe madje ndajnë të njëjtin agjent.
Madonna, e cila festoi ditëlindjen e saj të 65-të në Lisbonë me gjashtë fëmijët e saj, po kthehet në turneun e saj pasi u dërgua me urgjencë në një njësi të kujdesit intensiv të qytetit të New York në fillim të kësaj vere.
Por ajo tashmë po bën plane për vitin e ardhshëm pasi u detyrua të ricaktojë koncertet e saj dhe është thënë se dëshiron që Spears, të shfaqet në një nga pesë koncertet e saj në Los Angeles.
Madonna dëshiron të shënojë 20 vjetorin e bashkëpunimit të tyre i cili u publikua në tetor 2003.
“Madonna fillimisht donte që Britney t’i bashkohej asaj në turne këtë vit. Gjithçka u shty për shkak të sëmundjes së saj, por ajo ende dëshiron që Britney t’i bashkohet asaj në Forumin Kia.“- tha burimi.
Yjet dhanë një performancë në MTV Video Music Awards në gusht 2003, gjatë së cilës Madonna ndau një puthje me Spears dhe Christina Aguilera. Princesha e Pop-it iu bashkua për herë të fundit Madge në skenë gjatë turneut ‘Sticky & Sweet’ të kësaj të fundit në nëntor 2008.
Spears nuk ka performuar në publik që nga tetori 2018, megjithëse Page Six dha lajmin javën e kaluar se ajo po planifikon një album të ri.
