Dalja provokuese e bashkëshortes së Kanye West në Toskanë të Italisë me reperin është kritikuar në internet, dhe publiku bën thirrje që ajo të gjobitet.
Bianca Sensori u pa në rrugët e Toskanës të dielën e kaluar përkrah Kanye West. Ajo kishte veshur një body të tejdukshëm, të cilat nuk i lanë asgjë imagjinatës.
Në fakt, 28-vjeçarja zgjodhi të mos vishte të brendshme, ndërsa gjoksi i binte në sy. Mirëpo, sado që ajo vetë mendonte se pamja e saj nuk do ta linte indiferent publikun, ajo pati rezultate të kundërta. Italianët u tërbuan, duke parë fotot e saj në të gjithë internetin, pasi mendonin se ajo nuk respektonte kulturën e tyre.
Në fund të fundit, dihet që Italia është një vend shumë më konservator se SHBA. Ndaj nuk është çudi që po bëjnë thirrje që ajo të gjobitet për paraqitjen e saj zbuluese.
Disa nga postimet në Twitter shkruanin: “Jam me të vërtetë i habitur që ajo nuk është ndaluar. Italia është shumë më konservatore dhe në këtë rast, me të drejtë”
“Shpresoj që Italia t’i dëbojë të dy. Nuk ka nevojë që ky çift ta ndotë atë”
“Mos respekt absolut ndaj një kulture konservatore, katolike. Italianët duhet t’i kishin nxjerrë jashtë”.
