Sot ka ndërruar jetë në moshën 80-vjeçare kantautori italian, Toto Cutugno. Cutugno vdiq rreth orës 16:00 në spitalin San Raffaele në Milano ku ishte shtruar. Lajmin e ka dhënë për ANSA menaxheri Danilo Mancuso, duke thënë se “pas një sëmundjeje të gjatë, këngëtari ishte përkeqësuar muajt e fundit”.
Artisti Cutugno do të mbahet mend përgjithmonë për të famshmen “L’Italiano”, një këngë që është kthyer në një simbol edhe jashtë shtetit italian por në karrierën e tij shumë vjeçare ai ka nënshkruar suksese të shumta, duke fituar një Festival të Sanremos dhe duke u renditur i dyti në gjashtë raste të tjera.
Dekadat e fundit të karrierës së tij janë shënuar edhe nga një marrëdhënie solide me Rusinë dhe tifozët e Evropës Lindore. Së bashku me vetë Celentanon, Pupo, Al Bano dhe Ricchi e Poveri, Cutugno ishte ndër këngëtarët më të famshëm italianë në Moskë.
Toto Cutugno, lindi më 7 korrik 1943 dhe njihet si simboli i melodisë italiane. Ai këndoi për herë të parë në Festivalin e Sanremos në vitin 1976 me Albatros me këngën Volo AZ504, e cila u rendit e treta. Një vit më vonë ai mori pjesë përsëri në festival me këngën Gran Premio – dhe fitoi Çmimi i madh.
Artisti debutoi si solist në vitin 1980. Më pas, ai triumfoi në Festivalin e Sanremos me këngën ‘Solo noi’. Në vitet vijuese renditet për pesë herë në vendin e dytë (1984, 1987, 1988, 1989, 1990).
