Britney Spears dhe Sam Asghari po divorcohen dhe kjo është drama më e përfolur e showbiz-it për momentin në mbarë botën.
Teksa përflitet për pretendime të Sam se partnerja e ka tradhtuar me një punonjës në shtëpinë e tyre, këngëtarja ka mohuar gjithçka dhe ndjehet me zemër të thyer.
Sam kërkon një shumë të majme parash që të heshtë për informacione tepër të sikletshme, që do t’i prishnin punë Britney-t, ndërsa në rrjete sociale shfaqet i qetë e kërkon mirëkuptimin e publikut.
Britney nga ana tjetër ka gjetur mundësinë të shprehë të gjitha ndjenjat e saj në Instagram.
Këngëtarja shkruan:
“Siç e dinë të gjithë, unë dhe Hesami nuk jemi më bashkë… 6 vjet janë një kohë e gjatë për të qenë me dikë, kështu që jam pak e tronditur por… nuk jam këtu për të shpjeguar pse, sepse sinqerisht nuk është punë e askujt!!! Por, nuk e duroja dot më dhimbjen!!! Në një farë mënyre telepatike kam marrë kaq shumë mesazhe që më shkrijnë zemrën nga miqtë dhe ju falënderoj !!!
Jam hequr si e fortë për një kohë të gjatë dhe Instagrami im mund të duket i përsosur, por është larg realitetit dhe mendoj se të gjithë e dimë këtë!!! Do të doja të tregoja emocionet dhe lotët e mi se si ndihem vërtet, por për disa arsye më është dashur gjithmonë të fsheh dobësitë e mia!!!
Nëse nuk do të isha ushtari i fortë i babait tim, do të më dërgonin në vende për t’u rregulluar nga mjekët !!! Por kjo ishte kur kisha më shumë nevojë për familjen !!! Supozohet të merrni prej tyre dashuri pa kushte… jo me kushte !!!! Do të jem aq e fortë sa mundem dhe do të bëj më të mirën!!! Në fakt po ia dal !!!
Gjithsesi kalofshi një ditë të mbarë dhe mos harroni të buzëqeshni !!!”
View this post on Instagram
