Telashet se nuk kanë fund për reperin Noizy. Pak ditë më parë, në qytetin e Durrësit i është djegur makina me vlerë 300 mijë euro.
Policia ka bërë të mundur arrestimin e autorit që dogji “Ferrarin”. Ai është nga qyteti i Vlorës dhe është arrestuar pikërisht nga policia e qytetit bregdetar.
Autori i kësaj ngjarjeje është kapur nga kamerat e sigurisë duke ecur i qetë pranë vendit të ngjarjes dhe pas sigurimit të provave të nevojshme, i riu është dorëzuar dhe e ka pranuar autorësinë e zjarrit.
Ndërkohë në dëshminë e tij, ai ka deklaruar se është paguar 6000 euro nga një tjetër këngëtar me të cilin Noizy ka patur konflikt më parë, i cili figuron të jetë jashtë Shqipërisë, Cllevio Serbiano.
Pas prangosjes së të riut vlonjat, është kërkuar të merret në pyetje dhe këngëtari i cili nuk ka ardhur ende në Shqipëri ku dhe rrezikon arrestimin.
Pas dëshmisë, këngëtari nga Lushnja Cllevio Serbiano që emrin e vërtetë e ka Kleviol Ahmetaj, ka deklaruar për policinë se nuk ka asnjë lidhje me këtë ngjarje dhe se problemet me Noizy-n i ka sheshuar kohë parë.
