Iryna Bilotserkovets, modele dhe prezantuese televizive do të shfaqet në kopertinën e revistës Playboy, të parës që do të dalë pas kaq kohësh, që nga fillimi i pushtimit rus në Ukrainë.
Ajo ka pozuar me bikini metalike dhe me një zemër që i mbulon njërin sy.
Iryna iu nënshtrua disa operacioneve pasi u plagos si pasojë e një sulmi me armë në Kiev më 26 shkurt të vitit të kaluar.
Nëna e tre fëmijëve ishte duke ngarë makinën me fëmijët e saj nëpër një lagje në Ukrainë kur makina u godit nga disa plumba. Për sulmin janë fajësuar forcat pro-ruse.
“Unë nuk kam më një fytyrë të bukur, por pjesa tjetër e trupit tim është e bukur,” tha modelja, e cila tani po punon me Forcat Kulturore të Ukrainës, një shoqatë artistësh dhe muzikantësh që organizojnë ngjarje morale për trupat në vijën e parë.
