Prej disa vitesh tashmë fansat po presin një album të r inga Katy Perry, mirëpo nuk po vjen. Në një intervistë të fundit artistja është pyetur në lidhje me këtë gjë, ku ka përmendur vajzën e saj të vogël si arsye.
“Unë nuk kam nxjerrë asnjë material të ri që nga Daisy ime e dashur.”
Katy më tej zbuloi se nuk e ka lënë muzikën përgjithmonë, duke thënë: Po shkruaj projekte të reja nga një vend frymëzues.
Këngëtarja tha se ajo “ndjen aq shumë dashuri të pakushtëzuar, sa që nuk e dinit se ekzistonte”. Megjithatë, pasi solli në jetë Daisy Dove, Katy e dinte në zemër se muzika do të duhej të priste për shkak të përgjegjësive të saj të shumta në të njëjtën kohë.
“Unë shkruaj gjithmonë, por mendoj se ajo që është vërtet e rëndësishme për mua është të jem përgjegjëse për jetën tjetër që kam sjellë në jetë.”
Albumi i fundit i këngëtares ka qenë “Smile” në 2020.
