Dhe moti në Itali që vazhdon të na surprizojë ende! Nga breshëri sa një ‘grusht’ dhe stuhitë shkatërruese, që prej së shtunës vendi fqinj është zbardhur nga flokët e dëborës.
Kushte metorologjike të pashpjegueshme, por një gjë është e sigurt që bora ka arritur një trashësi të konsderueshme sikur të ishte prag Krishtlindjesh.
Madje vëmendjen e ka marrë një fotot e bërë virale në internet, të plakut prej dëbore ku shkruhet “4 gusht 2023, Gëzuar Krishtlindjet”.
Me një intensitet tepër të lartë, bora ka përfshirë malet e Dolomiteve, ku temperaturat kanë shkuar deri në -6 gradë Celsius.
Vlen të theksojmë se edhe në vendin tonë temperaturat kanë pësuar një rënie të ndjeshme këtë javë, e cila nuk duket shumë normale në mes të gushtit edhe pse janë temperatura ideale pas ditëve me vapën përvëluese dhe termometrit deri në 45 gradë Celsius.
