Dukesha e Sussex-it festoi ditëlindjen e saj të 42-të duke shkuar për të parë filmin “Barbie” me shoqen Portia De Rossi dhe disa mikesha të tjera. Grupi pa hitin feminist në një teatër Santa Barbara në fillim të kësaj jave, thonë burimet për ‘Page Six’ ndërsa Princi Harry ishte në shtëpinë e tyre prej 14 milionë dollarësh në Montecito, Kaliforni.
Aktorja më pas festoi me miqtë në hotelin luksoz San Ysidro Ranch në Santa Barbara.
Sa i përket planeve të çiftit për ditëlindjen e saj aktuale, e cila bie sot, Markle dhe Harry do ta kalojnë ditën në shtëpi me dy fëmijët e tyre , Princin Archie, 4 vjeç dhe Princeshën Lilibet, 2 vjeç. Një burim tha për ‘Pagesix’ se princi “qëllimisht po qëndron për të qenë me Meghan”, pasi ai do niset në ISPS Sports Values Summit-Edicioni Special në Tokio të mërkurën e ardhshme.
Pas Japonisë, Harry do të shkojë në Singapor me aktorin argjentinas Nacho Figueras, ku do të luajnë në Kupën Sentebale ISPS Handa Polo 2023.
Është e paqartë nëse Meghan planifikon të bashkohet me bashkëshortin e saj në Azi, por dyshja është konfirmuar se do të marrin pjesë së bashku në Lojërat Invictus në Dyseldorf, Gjermani, në muajin shtator.
