Ka mbetur pak deri në prezantimin e iPhone-it të ri.
Sipas informacioneve të deritanishme, iPhone 15 do të sjellë ndryshime të rëndësishme në dizajn, ndërkohë që do të ketë një portë tjetër karikimi. Telefoni i ri do të dalë në SHBA në muajt e parë të vitit 2024, duke përfshirë katër modele, atë klasik, iPhone 15 Plus, iPhone 15 Pro dhe iPhone 15 Pro Max. Duhet të theksohet se emri i modelit të fundit mund të zëvendësohet me fjalën “ultra”.
Ndryshe nga vitet e fundit kur iPhone-ët e sapolançuar nuk ishin surprizë për publikun, këtë herë, në rastin e iPhone 15, gjërat do të jenë ndryshe pasi do të ketë ndryshime të dukshme. Kamera pritet të jetë më e trashë dhe të shfaqet ndryshe në pjesën e pasme të ekranit.
Sa i përket sistemit të karikimit, ai do të bëhet me kabllo USB-C të përdorura nga përdoruesit e celularëve Android.
Analisti në Barclays, Tim Long, ka vlerësuar se modeli klasik i iPhone 15 do të jetë më i shtrenjtë se ai i iPhone 14 dhe çmimi fillestar do të jetë rreth 900 dollarë. Më pas, vlerësohet se modeli Plus do të fillojë nga 950 dollarë, Pro me 1000 dollarë dhe Pro Max nga 1100 dollarë.
