Trendin e korseve e risolli së fundmi në modë Kim Kardashian. Por motra e saj Kylie Jenner mori qendrën e vëmendjes, duke u bërë një inspirim për këtë stil. Këngëtarja Samanta Karavella provoi këtë trend, duke “imituar” veshjen e 19-vjeçares.
Në një postim të bërë në rrjetin social “Snapchat”, Samanta tregoi se është kombinuar më së miri me yllin e “Keeping Up with the Kardashians”.
Samanta, e cila së shpejti pritet të nxjerrë projektin e saj më të ri muzikor, në foton e postuar shihet të ketë veshur një fustan të ngjashëm me Jenner. “Matchy-matchy”, shkruan sipër postimit të saj këngëtarja.
Dy ditë më parë, Samanta u tregoi fansave të saj se së shpejti do të sjellë në treg projektin më të ri muzikor të titulluar “Si Ai”. Edhe kjo këngë e re mban vulën e kompozitorit tashmë të njohur për publikun shqiptar, Alandy.
Burimi: Snapchat
