Është gjendur i vetëvrarë 55-vjeçari që vrau gruan mbrëmjen e djeshme (29 korrik) në Maliq dhe e hodhi në një gropë septike.
I identifikuar si Gjergji Mullolli u gjet i vetëvrarë sot gjatë kërkimeve nga policia në afërsi të banesës.
Sipas informacioneve të policisë, çifti ishte në proces divorci dhe gruaja ishte e pajisur me urdhër mbrojtje.
Ditën e djeshme pas krimit autori u arratis, teksa vetëm mëngjesin e sotëm u gjet i vdekur afër banesës në fshatin Zemblak.
Sakaq çifti Mullolli kishin tre fëmijë së bashku.
