Këngëtarja shqiptare Bebe Rexha ka dhënë një intervistë së fundmi për “Billboard”, ku ka folur edhe për një moment privat dhe të vështirë në jetën e saj. E pyetur për albumin e saj A.Y.F, Bebe Rexha u përgjigj se ajo ka përfshirë momente reale në të, si atëherë kur ish-i dashuri i dha fund lidhjes përmes një mesazhi në telefon dhe kjo gjë e lëndoi shumë.
“Unë nuk mund t’ju them se ku bazohet A.Y.F., por albumi është ritmik, pop, elektronik. G-Eazy, dhe Nicki Minaj janë në album. Kur të publikohet titulli i plotë i tij, unë mendoj se do të ketë më shumë kuptim, por ai vjen nga një zemër e thyer, viktimizimi i vetes dhe zemërimi që ndieja për ish-të dashurin që më copëtoi zemrën me një mesazh. Kjo këngë quhet “Bad Bitch,” dhe unë në fund bëhem një grua e fortë”.
Këngëtarja me origjinë shqiptare ka hedhur një hap të madh drejt famës dhe është përzgjedhur për të prezantuar një nga mbrëmjet më të ndjekura muzikore të vitit, MTV EMA.
Burimi: Billboard.com
