Dukesha e Kembrixhit zbuloi se që tani Princesha Charlotte ushqen një dashuri për kuajt dhe kalërimin, ndërsa Princi George është i mahnitur nga dyluftimi me shpatë.
Kate foli rreth hobeve të preferuara të fëmijëve, ndërsa pritën heronjtë e Lojërave Olimpike dhe Paraolimpike, në Pallatin Buckingham.
E veshur me një fustan patriotik me lulëkuqe nga Alexander McQueen, Kate së bashku me Mbretëreshën, Princin Harry dhe bashkëshortin e saj, Princin William, nderuan yjet e Lojërave Olimpike në Rio.
Natasha Baker
Fituesja për herë të tretë e medaljes së arit si kalorësiake, Natasha Baker, pati një bisedë me nënën e dy fëmijëve se si 17-muajshja Charlotte, mund të ndjekë hapat e kushurisë së saj Zara, në Lojërat Olimpike.
“E pyeta se si ishin fëmijët dhe ajo tha se Charlotte po shijon vërtetë kalërimin dhe unë i thash që mund ta shohim në këtë resht pas 20 vitesh. Ajo theksoi se Charlotte ka pasion kuajt dhe pavarësisht se nuk e thotë, ajo do të bëjë më të mirën për ta inkurajuar”, tha Baker.
Dukesha raportohet se i tha kampiones: “George është i mahnitur nga dyluftimi me shpata, por besoj se e ka për shkak të maskave të fytyrës. Charlotte do të donte shumë të ishte këtu, por ajo është në ndjekje të telasheve”. Gjithashtu Dukesha u shpreh se George e pëlqente shumë notin”.
Zara Tindall ishte e para nga familjet mbretërore që fitoi një medalje Olimpike, kur mori medaljen e argjendtë në eventin e zhvilluar në Londër, në 2012-n.
Zara Tindall
Burimi: Daily Mail
