Kryefjalë në tapetin e kuq të premierës së filmit të ri ‘Barbie’ në Londër dhe Los Angeles ishte padyshim Dua Lipa. Por ajo shfaqet në film si Mermaid Barbie vetëm 30 sekonda nga 114-minuta që është filmi në total.
Edhe pse ajo shkroi një këngë për kolonën zanore të filmit, ylli i popit thotë vetëm 16 fjalë në të gjithë filmin, dy prej të cilave janë titulli i filmit, sipas ‘The Sun’.
Ajo ka gjithsej pesë kameo, ku momenti më i spikatur është kur i ofron një birrë personazhit merman të John Cena-s.
Dua ka pasur një rol më të mirë se Rob Brydon i cili shfaqet si një kukull Ken për gjashtë sekonda dhe ish-ylli i ‘Love Island’, Chris Taylor, i cili gjithashtu shfaqet si një kukull Ken për vetëm dy sekonda.
Në lidhje me hapat e saj në aktrim, Dua tha më parë në podcastin e saj ‘Dua Lipa: At Your Service’ vitin e kaluar:
‘Për mua janë si hapa bebesh. Kjo është gjithashtu mënyra më e mirë për të zbuluar veten. Në vend që t’i përkushtoheni plotësisht diçkaje që nuk mund ta bëni mirë. Mendoj se frika ime më e madhe do të ishte të merrja një rol vërtet të madh. Tani më duhet të jem aktore dhe të ndjej këto emocione dhe ndjenja në kamera, kur nuk e kam arritur ende veten deri në atë pikë.’
