Çdokujt në jetë së paku një herë i ka ndodhur që të mos ketë fat në dashuri. Që të mos ju shkaktojë dhimbje dhe të mos ju bëhet obsesion dashuria e humbur apo mos të humbni kohën kot duke menduar vetëm për të.
Nëse jeni në procesin e shërimit të zemrës së thyer, përgatituni për një betejë të gjatë midis pjesës instiktive dhe logjike të trurit.
Thjesht, duhet patjetër të gjeni forcë dhe në mënyrën më të kuptueshme të hiqni dorë nga personi i dashur dhe nga ndjenjat për të.
Vetëdisiplina është më kryesorja.
Gjëja më e mirë që duhet të bëni është që me atë person t’i ndërpritni të gjitha kontaktet, sepse dhimbjen e shtojnë edhe më shumë çdo kontakt me të, çdo telefonatë, madje edhe qasja në rrjetet sociale.
Kur ndodheni të vetmuar dhe ju kaplojnë fantazitë se si do të mund të kishte qenë lidhja juaj, pastaj fantazitë erotike, se si do të ishin dukur fëmijët tuaj, hiqni nga koka! Përdoreni forcën tuaj për t’i mposhtur mendimet e tilla.
Përpiquni që gjërat t’i shikoni më ndryshe, në mënyrë që të bindeni që ai person ka shumë mangësi.
Gjëja më e rëndësishme është që të riktheni vetëbesimin e humbur. Nuk ia vlen të vuani, madje as të mendoni për një person që nuk ju ka dashur. Pastaj të jini të sigurt që ka edhe shumë e shumë persona që do të jenë edhe më të mirë se ai/ajo.
Teksa jeni vetëm, shpëtimin kërkojeni në pasionet tuaja, në ushtrime, shëtitje, lexim…
Mbajeni në mend një gjë: nuk thuhet kot që koha shëron çdo gjë. Shumë shpejt do të shfaqet në jetën tuaj një person tjetër ndaj të cilit zemra juaj sërish do të rrahë fuqishëm.
