Parlamenti Evropian ditët e fundit votoi një qëndrim të qartë për çështjen e Aeroportit të Vlorës duke miratuar pikën 83 të raportit të Komisionit për Punët e Jashtme, për Raportin e Komisionit për Shqipërinë për vitin 2022.
Qëndrimi i miratuar i Parlamentit Evropian thekson dukshëm shqetësimin urgjent që BE ka shprehur ndaj qeverisë për të ndalur çdo projekt në vazhdim ose të propozuar, që shkel normat kombëtare dhe ndërkombëtare që synojnë mbrojtjen e biodiversitetit. Konkretisht, kjo pikë tërheq vëmendjen
për projektet brenda zonave të mbrojtura, duke përmendur tekstualisht Aeroportin Ndërkombëtar të Vlorës brenda Zonës së Mbrojtur.
Ky është një tjetër vendim i Bashkimit Evropian i cili shpërfillet nga autoritetet duke lejuar vazhdimin e punimeve në kantier dhe në të njejtën kohë, duke shpërfillur dhe aspiratën shqiptare për integrimin në këtë union!
Pavarësisht kundërshtimeve të shumta, qeveria shqiptare është e vendosur ta shkatërrojë ekosistemin dhe të humbasë një pasuri kombëtare❗️
I mbështetur nga Kryeministri Rama, ish-Ministri i Mjedisit dhe Turizmit, Blendi Klosi, dha licencë për të ndërtuar mbi zonën e mbrojtur, shkelje tepër e madhe ndër shkeljet e tij të shumta❗️
Kjo shkelje vjen në bashkëpunim me Zamir Dedejn, ish-drejtorin e zonave të mbrojtura, që i hidhte hí syve qytetarëve, duke bërë lojë të dyfishtë❗️
Teksa bënte sikur kundërshtonte qeverinë për ndërtimin e aeroportit, Zamir Dedej abuzonte me tendera publikë të majmë, që supozohet të ishin në funksion të mjedisit. Dedej, gjithashtu drejtor i Institutit për ruajtjen e Natyrës në Shqipëri (INCA), ia jepte këto tendera vetes❗️
Një lojë e pistë e qeverisë dhe qeveritarëve, që nuk marrin parasysh as ankesat e dhjetëra organizatave mjedisore lokale e ndërkombëtare❗️
Ndërtimi i aeroportit do të shkaktojë dëm të pakthyeshëm në ekosistemin e mbrojtur Vjosë-Nartë
