Ushqimi në mot të nxehtë kthehet në problem më vete.
Por çfarë do ishte mirë të konsumonim në këtë stinë të nxehtë?
Duke qenë se dehidratohemi nga vapa, këshillohet konsumimi i 1 litër e gjysmë ujë në ditë, 2-3 porcione frutash, shalqi, pjepër, pjeshkë, nektarina. Këshillohen perimet, domate, speca, kastravec, patate, sallatë. Kosi rekomandohet shumë. Por nuk këshillohet mishi i kuq, që rrit rrezikun për sëmundje kardiovaskulare dhe kancer në zorrën e trashë.
Këshillohet të hani mish të bardhë, pra pulë ose peshk. Alkooli e rëndon organizmin, ëmbëlsirat dhe brumrat gjithashtu. Është mirë që në mëngjes herët dhe pasdite vonë të bëhet stërvitje apo ecje. Ndërsa në plazh merruni me not, lojërat me top janë të mira, por mbani gjithmonë parasysh, jo në orët e pikut.
