Leonardo DiCaprio po shijon verën e tij duke festuar. Së fundmi, ai është fotografuar në Londër, nën shoqërinë e dy vajzave Maya Jama dhe Neelam Gill.
48-vjeçari ishte në festën e verës së Vogue në Chiltern Firehouse, ku Maya, e cila është fytyra e edicionit të gushtit të Vogue dhe Neelam tërhoqën vëmendjen me veshjet e tyre.
Mediat raportojnë se DiCaprio ka kaluar shumë mirë, duke qëndruar pranë stendës së DJ për të mos humbur asnjë moment nga festa.
Po, kush janë Maya Jama dhe Neelam Gill?
Jama, e cila është prezantuesja e ‘Love Island’, u lidh me DiCaprion në prill pasi ajo u pa me një gjerdan që shkruante ‘Leo’. Megjithatë, ajo i hodhi poshtë këto pretendime.
“Kam qenë me pushime dhe thashë se nuk do t’i përgjigjem/i kushtoja më vëmendje asnjë prej historive pa kuptim, por ju duhet të ndaloni tani...”, shkroi ajo në rrjetet sociale.
Sa për Neelam, ajo u pa në jahtin e aktorit në brigjet e Amalfi muajin e kaluar.
DiCaprio u pa gjithashtu duke festuar me të dy në shkurt në festën para BAFTA-s. Më vonë ata morën pjesë në të njëjtën festë në klubin e anëtarëve.
Maya ka qenë e fejuar më parë me yllin e basketbollit Ben Simmons, por lidhja e tyre mori fund vitin e kaluar pas vetëm tetë muajsh.
Ajo ishte gjithashtu në lidhje me reperin britanik Stormzy nga viti 2015 deri në vitin 2019. Ndarja e tyre frymëzoi këngën e tij të vitit 2019 ‘Lessons’.
