Seanca e sotme parlamentare në Kosovë është në qendër të vëmendjes edhe në vendin tonë, pasi dhuna nuk ka fund.
Opozita po tenton që të parandalojnë mbajtjen e seancës së jashtëzakonshme që u kërkua nga 41 deputetët. Ata fillimisht bllokuan foltoren, teksa Kuvendi miratoi në lexim të dytë Projektligjin për çmimet e produkteve medicinale.
Pas votimit, pati shtyrje mes deputetëve të mbledhur pranë foltores.
Vëmendje në rrjet ka marrë edhe reagimi i deputetes së Vetëvendosjes, aktores Adriana Matoshi, e cila gjithë këtë situatë e ka marrë me sportivitet.
Madje, ajo shihet me një pankartë në dorë, që shkruan “RAUNDI I DYTË”, duke ironizuar tensionet e shkaktuara nga opozita gjatë ditës së sotme.
