Reperi shqiptar, Arian Agushi i njohur si Gold Ag, krahas karrierës, është edhe baba i dy fëmijëve dhe familjen e ka primare në jetë.
Por, Gold ka vendosur ta përmbushë veten e t’ia plotësojë dëshirën nënës së tij duke kryer edhe shkollimin.
Reperi i njohur përmes një postimi ka zbuluar se ka diplomuar dhe se ka vendosur që ta vazhdojë edhe masterin. Sukesin ai ia dedikoi nënës së tij mësuese, si një nga shtysat kryesore.
‘’Faleminderit kolegëve për dashnin, respektin dhe ndihmën në çdo aspekt.
Nanën time mësuese kur u larguam nga Presheva në vitin 1997, kur e pyesnin pse po shkoni në Prishtinë, u thoshte të gjithëve për shkollimin e Arianit.Dëshira e saj gjithmonë ka qenë që unë ta kem një fakultet. Dëshirën e saj e plotësova me diplomim e po e vazhdoj me master. Nanë e di që ty nuk të duhet diploma ime, por unë herët a vonë do t’ia shoh hajrin fjalës tënde. FALEMINDERIT ZOT’’, ka shkruar Ariani.
