Zlatan Ibrahimovic është fotografuar gjatë pushimeve në Saint Tropez dhe një nga tatuazhet e tij tërhoqi vëmendjen e shumë njerëzve.
Ikona e futbollit është një adhurues i madh i tatuazheve prandaj ka shumë të tilla. Shprehja që tërhoqi vëmendje është: “Vetëm Zoti mund të më gjykojë”.
Ibrahimovic konsiderohet si një njeri që i bën gjërat sipas mënyrës së tij dhe shpeshherë është konsideruar si i pakëndshëm për të tjerët.
Edhe në të kaluarën, 41-vjeçari ka tërhequr vëmendjen me tatuazhet, numri i të cilave është zvogëluar me kalimin e viteve.
“Kam pasur 15 tatuazhe në trupin tim. Ishin tatuazhe të përkohshme dhe ishin emrat e njerëzve që janë të uritur dhe nuk kanë asgjë për të ngrënë. I hoqa të gjitha, por këta njerëz janë ende atje, janë ende të uritur. Kudo që shfaqem, njerëzit më njohin dhe brohorasin për mua”, ka thënë ai më herët.
