Marka e njohur e rrobave të banjos, ‘Cotazur’ do të marrë masa ligjore ndaj moderatores shqiptare Kiara Tito. Për ‘Iconstyle’, marka e njohur ka folur ekskluzivisht për kopjimin e rrobave të banjos të Kiarës, duke pohuar se nuk kanë asnjë bashkëpunim me markën e rrobave ‘Kiara Tito’.
‘Marka jonë nuk ka asnjë partneritet me këtë person. Avokatët tanë do të kujdesen për situatën’– bën të ditur marka e njohur për ‘Iconstyle.al’.
Kopjimi i veshjeve të Kiarës u vu re që ditën kur u bë publik projekti. Iconstyle, tregoi edhe disa modele që ishin identike me atë të ‘Cotazur’. Edhe pse Kiara shkruan në faqen e saj që: Kiara Tito ka kuruar një koleksion mahnitës të rrobave të banjës që pasqyron pasionin e saj për botën e stilit dhe dizajnit’, disa nga modelet janë kopje.
Nuk dihet nëse Kiara do të reagojë zyrtarisht pas reagimit të markës së njohur!
