‘Kiara Tito ka kuruar një koleksion mahnitës të rrobave të banjës që pasqyron pasionin e saj për botën e stilit dhe dizajnit’-kështu shkruhet në faqen zyrtare të rrobave të banjos të Kiara Titos, e cila dy ditë më parë zbuloi për publikun këtë projekt.
Mirëpo, pas gazetares Fatma Haxhialiu e cila tha publikisht se një palë rroba banjo si të Kiarës i ka blerë dy vite më parë, ka pasur dhe raste të tjera që u zbuluan në rrjet, se rrobat janë njësoj me firmat e tjera.
Kështu, me një kontroll të thjeshtë, shihet se rrobat e Kiarës të cilat kapin shifrat mbi 50 euro, janë njësoj me të firmave të njohura të huaja. Njerëzit në rrjetet sociale e kanë vënë re fillimisht këtë, e madje e kanë komentuar edhe në postimet e Kiarës, por kjo e fundit ende nuk ka reaguar.
Mbi të gjitha, Kiara as që ka pranuar se nëse këto veshje janë bashkëpunim me këto firma (si për tu justifikuar).
Nuk dihet nëse Kiara apo personat që merren me veshjet e saj do të reagojnë zyrtarisht për këto ‘ngashmëri identike’.
