Georgina Rodriguez është një nga gratë më me ndikim në botë. Ajo është partnerja e Cristiano Ronaldos, nënë e 2 fëmijëve të tij, e tashmë një nga gratë më të kërkuara nga kompanitë e njohura.
Pak kohë më parë, Georgina publikoi edhe sezonin e dytë të serialit të saj ‘I am Georgina’, aty ku tregonte përditshmërinë, që nga kujdesi për fëmijët, koha e lirë me miqtë, puna e deri tek marrëdhënia me Cristiano Ronaldon.
Por, rezverva gjatë serialit janë bërë për mënyrën sesi Georgina sillej me miqtë e saj. Madje një episod u komentua goxha, pasi ajo i kërkoi një prej mikeshave të saj që të provonte një palë çizme, vetëm që të hapeshin e që më pas t’i binin fiks asaj. Kjo u komentua në rrjet si ‘përdorje’ dhe ‘shfrytëzim’ nga ana e Georginës.
E si për t’i hedhur poshtë këto pretendime, Georgina ka ndarë një foto në ‘Instagram’ ku shihet duke larë kokën e mikes së saj.
‘Duke u kujdesur për miqtë e mi. Sa me fat jemi’
A mjafton ky postim për të shuar zërat?
