Jeta e Emina Çunmulajt sot është ajo që shumë do të dëshironin. Mirëpo jo gjithmonë ka qenë kështu dhe së fundmi në një intervistë modelja ka rrëfyer periudhën e vështirë kur u largua nga familja për të ndjekur ëndrrën për t’u bërë modele në Itali.
Ajo tregoi se në moshën 15-vjeçare jetonte e vetme në Itali dhe nuk kishte bukë të hante.
Emina u shpreh se shkonte të flinte pa ngrënë dhe barku i dhimbte nga uria.
“Bukë s’kam pasur të ha kur kam qenë 15 vjeç në Itali e më telefononte babai e më thoshte, “si je, bija ime?’’
-Mirë- i thosha- babë. Gjithçka në rregull. Shkoja të flija, barku më dhimbte. Shkoja të flija e çohesha natën. Me kishin dhënë 200 lira në atë kohë për t’i harxhuar për tre javë ditë, për të marrë metronë, për të ngrënë dhe për shkuar për të kërkuar punë si modele”, rrëfeu Emina Çunmulaj.
