Jennie Kim, ylli i grupit K-pop Blackpink nuk u ndje mirë gjatë performancës së saj në Australi. Krijuesja e hitit të “Pink Venom” u detyrua të largohej nga grupi i cili po performonte në koncertin në Melburn, “Born Pink”.
“Me keqardhje ju informojmë se gjatë performancës së BLACKPINK WORLD TOUR [BORN PINK] NË MELBOURNE më 11 qershor, anëtarja JENNIE nuk ishte në gjendje të përfundonte skenën për shkak të gjendjes së saj të përkeqësuar,” tha në një deklaratë kompania menaxhuese e grupit.
Jennie 🥹 get well mahal ko 🥺
BORN PINK AUSTRALIA#BORNPINKinMELBOURNE_Day2#BORNPINKinMelbourne @BLACKPINK pic.twitter.com/jdp4fJngO8
— N E F E L I • SAW BLACKPINK 🥹 (@roseanneclouds) June 11, 2023
Këngëtarja koreano-jugore u pa duke marrë frymë rëndë ndërsa kërkonte mbështetje.
“JENNIE ka shprehur keqardhjen e saj që nuk ka mundur të qëndrojë me fansat deri në fund dhe garanton se do të shërohet sa më shpejt të jetë e mundur”, përfundon deklarata.
Jennie, aktualisht po rikuperohet dhe pritet t’i bashkohet grupit në skenë për shfaqjen e tyre të radhës.
Së fundmi, Jennie bëri debutimin e saj në aktrim në serialin e ri dramë të Sam Levinson HBO, The Idol me Lily Rose-Depp dhe Abel “The Weeknd” Tesfaye. Seriali, i cili ka publikuar dy episode deri më tani, u bë kryefjalë këtë javë pasi shikuesit u tmerruan nga një skenë seksi që u transmetua në mbrëmje.
