Nesër është dasma e Klea Hutës dhe Elgit Dodës.
Djali i tyre Krid feston 3-vjetorin dhe çifti nuk mund të gjente datë më të veçantë për të celebruar dashurinë. Mes surprizave që do të ketë në festën që bëhet në Livadh, Himarë, burime për revistën “Who” zbulojnë se kush do të performojë në dasmë.
Bëhet fjalë për dy këngëtaret Artjola Toska dhe Juliana Pasha. Me siguri që nuk do të mungojnë dhe performanca nga artistët e tjerë të ftuar në dasmë.
Dasma pritet të mbledhë fytyra të njohura të showbizit dhe ekranit. Pritet që ata të thonë “PO” përgjithmonë në bregdet, në prani të familjarëve dhe miqve të tyre të ngushtë.
Klea dhe Elgiti janë bashkë prej vitesh tashmë, dhe kanë qenë gjithmonë një nga çiftet më të preferuar të publikut.
