“Fati” nuk pyet se çfarë profesioni bëni dhe se kush jeni. 45-vjeçari, baba i katër fëmijëve, duket se u bë shqiptari më me fat!
Jeta e tij në Belgjikë ndryshoi nga një biletë lotarie 15 euroshe, përmes së cilës fitoi 168 milionë euro.
45-vjeçari jeton bashkë me familjen e tij në Bruksel prej 15 vitesh. Media vendase “LaProvince” shkruan se, shqiptarit i është dashur të punojë si pastrues në zonën ku jetonte, por kjo biletë e ka bërë milioner. Punonjësi i një kompanie pastrimi tashmë është zotëruesi i 168 milionë eurove, pas hedhjes së goglave në shorte.
“Ishte e pabesueshme. Kuptova që isha fitues pasi kontrollova numrin e biletës në faqen online”, u shpreh ai.
Burimi: LaProvince
