Kendall Jenner ka arritur një karrierë jashtë modelingut, në pasarelë dhe në fushata, ndërsa tani ajo po shpenzon pak më shumë kohë duke punuar në anën tjetër të aparatit.
Modelja do të fotografojë për numrin e ri të revistës “Love”, siç bëri në korrik kur realizoi portretin e vajzës së Cindy Crawford, modeles Kaia Gerber. Vetëm se këtë herë Kendall do të fotografojë një modele të panjohur – dhe ajo mund të jesh TI.
Jenner njoftoi se kërkon modele në mediat sociale, ndërsa postoi një foto të telefonit të saj me mbishkrimin: “Unë dhe Katie Eleanor Grand po kërkojmë për yllin e ri të koverit të revistës “Love”, çdokush mund të aplikoj përmes revistës “Love” në “Instagram” ose “Twitter”… Unë do të fotografoj 20 finalistet në Los Angeles në nëntor për numrin pranverë/verë 2017 (publikohet në shkurt)”.
Çfarë ju duhet për të aplikuar? Diçka të cilën ju e keni me qindra në telefonin tuaj: një “selfie”. “Nëse jeni mes moshës 15-35, aplikoni me një foto tuajën dhe thoni se kush jeni dhe çfarë dëshironi të bëni. Duam ta dimë nga ti”, shkroi Jenner.
Jini të sigurt që të etiketoni foton me hashtagun #LOVEME17 ose dërgojeni në e-mail-in “loveme@condenast.co.uk”. Nëse nuk keni frymëzim për të bërë “selfie”, atëherë shikoni fotografitë në profilet e mortave Kardashian-Jenner.
Burimi: Glamour
