Kristen Stewart u shfaq në Paris mbrëmjen e së mërkurës mes pretendimeve se ajo ka nisur një marrëdhënie të re me këngëtaren St. Vincent, ish-të dashurën e Cara Delevingne.
Ylli i “Twilight” është fotografuar për herë të parë me Vincent në një shfaqje komedie në Los Angeles në fund të muajit gusht. Ndërkohë javën e kaluar aktorja dhe këngëtarja kanë qenë të pranishme në “New York Film Festival” për promovimin e filmit të saj të ri “Certain Women”.
“Ato kalojnë shumë kohë nën shoqërinë e njëra-tjetrës”, ka thënë një burim për “US Weekly”. Përflitet se dyshja ka shijuar disa takime romantike para se Kristen të rikthehej në Kaliforni, ku është fotografuar në koncertin e këngëtares në Los Angeles, ditën e diel.
“Është një lidhje shumë romantike”, ka shtuar burimi i brendshëm. “Kristen shihet gjatë gjithë kohës teksa i pëshpërit në vesh Vinsent”.
Aktorja 26-vjeçare dhe këngëtarja 34-vjeçare ende nuk kanë dhënë asnjë koment lidhur më këtë thashethem që ka pushtuar mediat rozë.
Ndërkohë që ditën e djeshme ajo u dallua e veshur me të zeza, pasi realizoi një set fotografish për “Chanel”.
Burimi: Daily Mail
