Këngëtarja e njohur Jessie J është bërë nënë për herë të parë. Artistja u bë nënë para një jave, mirëpo lajmin e ëmbël e ka bërë të ditur vetë ajo së fundmi.
Jessie thotë se i biri është realizimi i të gjitha ëndrrave të saj.
“Para një jave, e gjithë jeta ime ndryshoi. Djali im erdhi në këtë botë dhe zemra ime u zmadhua dyfish. Ndjesia është e papërshkrueshme. Po fluturoj nga dashuria. Ai është magjik. Është realizimi i të gjitha ëndrrave. Është e gjithë bota. Ai dhe unë jemi shumë mirë dhe s’e besoj dot që është i vërtetë, është këtu, me mua. Jam shumë mirënjohëse”, ka shkruar Jessie në një postim në rrjete sociale.
Kujtojmë se këngëtarja ka humbur një fëmijë në një abort spontan, në nëntor të 2021-shit.
