Për herë të parë në histori, një këngë në gjuhën finlandeze ishte në krye të top listës globale të rrjetit Spotify, në listën “Daily Viral Songs”. “Cha Cha Cha” e reperit finlandez Käärijä nuk fitoi dot “Eurovision” por u rendit i pari në këtë listë, duke lënë pas suedezen Loreen e cila fitoi me këngën “Tattoo”.
Nga këngët e Eurovizionit, “Who the Hell Is Edgar?” Teje dhe Salene, është në vendin e tretë, edhe pse ishte vetëm e pesëmbëdhjetë në garë, si dhe kënga “Because Of You” e përfaqësueses belge Gustavo, e cila është në vendin e nëntë në top listën e “Spotify”.
Kujtojmë se Käärijä humbi ngushtë nga Loreen në finalen e garës, duke fituar gjithsej 526 vota, nga të cilat 366 ishin nga publiku. Fitoren e Loreen e sollën votat e jurisë falë të cilave ajo arriti gjithsej 583 pikë, nga të cilat 243 nga publiku.
Votuesit nga Serbia i dhanë më së shumti pikë Finlandës.
