U vërtetua ajo që dinim të gjithë: Vjedhja ishte qëllimi!
Në 3-vjetorin e shembjes, toka publike e Teatrit Kombëtar jepet për të ndërtuar kulla! Ku mbeti Teatri i ri që do të ndërtohej?!
I preferuari i bashkisë dhe qeverisë, oligarku Shkëlqim Fusha, ka marrë pesë ditë para zgjedhjeve (më 9 maj) dritën jeshile për të ndërtuar kulla të larta mbi tokën publike në zemër të Tiranës, ku “vranë” Teatrin
Fusha ishte zotuar se në këmbim të pronës publike, do të ndërtonte Teatrin e ri me paratë e veta, por Teatri i ri ende s’duket gjëkundi, edhe pas 3 vitesh…
Megjithëse e mohuan sa deshën se mbi truallin e Teatrit s’do të kishte kulla, gënjeshtra i ka këmbët e shkurtra!
Teatri i ri (nëse ndërtohet ndonjëherë) do të jetë i zhytur mes kullave të ngritura nga të katër anët, sepse kështu i do qejfi qeverisë tallava dhe Lali Euros së Bashkisë
Në këmbim të dhënies 1270 metra katror tokë publike për Fushën, (parkimi ngjitur me ish Teatrin Kombëtar) bashkia do të përfitojë 50% të sipërfaqes ndërtimore dhe 183 metra katror të ndërtesës ekzistuese në truallin e parkimit
Veç parkimit publik të bashkisë dhe parcelës private prej 298 metra katror, bëhet e ditur se gjurma e kullës së re do të prekë edhe disa lokale private të zonës, me të cilët oligarku i ka rregulluar pazaret
Jo vetëm që po bëjnë kërdinë me paratë tona, por Teatri duket se do të mbetet një kapitull i mbyllur, i zhytur në themelet e kullave të larta që po i marrin shpirtin Tiranës
Pas zgjedhjeve, qeveria tallava e bashkia e Lali Euros vazhdojnë të bëjnë atë që dinë të bëjnë më mirë: vjedhjen e qytetarëve, vjedhjen e kulturës, vjedhjen e historisë, të së drejtës së fjalës dhe të sistemit të vlerave!
