Shqiptarja që po na bën krenarë në mbarë botën, Dua Lipa, ndiqet nga 88.1 milion ndjekës në Instagram, ku ndan me të gjithë jo vetëm projektet e punës por edhe momente nga e përditshmja.
Jemi fatlumë të shohim pak nga jeta personale e Duas, që s’ka hiç komplekse e madje na e tregon fytyrën e mëngjesit me ujë e sapun!
Kështu ka bërë në foton e fundit, ku ka pozuar para pasqyrës pasi ka bërë një dush. Duket një yll me thjeshtësinë e saj!
View this post on Instagram
Kujtojmë se këngëtarja po sjell së fundmi diçka të madhe me Donatella Versace-n.
Më 23 Maj, në Kanë do të prezantohet koleksioni që ato të dyja kanë punuar së bashku. Linja e veshjeve verore do të quhet “La vacanza” dhe do të jetë fiks për pushime, me veshje të freskëta, moderne, të rehatshme e plot stil!
Kjo duket si një epokë e re për Duan, që përveç sukseseve absolute në muzikë po i futet tashmë edhe botës së modës.
Mbase stilimi do t’i pëlqejë gjithashtu, ndaj pse jo, të mos ketë edhe Dua një firmë të sajën!
