Edicioni i 76-të i Festivalit të Filmit në Kanë fillon sonte në qytetin jugor francez, mes shqetësimeve për protesta të mundshme mbi reformat e pensioneve të presidentit Emmanuel Macron. Sindikata CGT, po planifikon ta përdorë ngjarjen si një platformë për të protestuar ndaj planit të diskutueshëm të daljes në pension të presidentit.
Këtë vit do të rikthehet edhe aktori kontrovers amerikan, Johnny Depp, i cili luan si Mbretin Louis XV në filmin “Jeanne du Barry “, i cili hap festivalin.
Ka pasur një protestë nga disa qarqe për praninë e tij në ngjarje, pas gjyqit të tij për shpifje me ish-bashkëshorten Amber Heard vitin e kaluar. Festivali përfshin disa premiera të tjera, duke përfshirë ‘Indiana Jones and the Dial of Destiny’.
Gjithsej 21 filma konkurrojnë për çmimin kryesor, Palmën e Artë, këtë vit, duke përfshirë një rekord prej 7 regjisore gra. Juria do të drejtohet nga fituesi i Palmës së Artë të vitit të kaluar, Ruben Östlund, dhe gjithashtu përfshin yjet e Hollivudit Brie Larson dhe Paul Dano.
Rreth 35,000 njerëz priten në Kanë për festivalin që zgjat deri më 27 maj.
