Ditët e fundit Shakira është parë në shoqërinë e yjeve të sportit dhe filmit, gjë që ka ndezur zërat për një romancë të mundshme.
Fundjavën e kaluar, gjatë GP të Miami-t, ajo u fotografua me Tom Cruise, ikonën e Hollivudit, i cili ishte shumë i lumtur pranë saj.
Më pas ajo u pa në shoqërinë e Lewis Hamilton, pilotit të Mercedes F1, me të cilin fillimisht u shfaq në restorantin Cipriani dhe më pas u panë duke ecur në një varkë me disa miq.
Kjo situatë bëri që fansat e kolumbianes të besonin se ndoshta ajo po i hapej sërish dashurisë, pas ndarjes nga Gerard Pique.
A ekziston një mundësi reale për një romancë mes Shakirës dhe Tom Cruise?
Megjithatë, fansat e këngëtares kolumbiane do të duhet të presin shumë përpara se ta shohin atë në një romancë të re pasi një burim i afërt me Shakirën tha për “US Weekly se këngëtarja nuk ka asnjë interes për Tom Cruise.
“Shakira ka parë thashethemet në internet, por ajo mendon se është qesharake sepse thjesht nuk është e vërtetë”, tha burimi.
“Ajo kaloi një kohë të mirë me Tom-in në F1, por nuk ka interes të takohet me të. Ai ishte shumë i këndshëm dhe asaj i pëlqente shoqëria e tij, por për momentin ajo nuk është e fokusuar të takohet me të apo dikë tjetër. Ajo tani është e fokusuar tek fëmijët dhe karriera e saj”, shtoi burimi.
Po me Lewis Hamilton?
Në lidhje me paraqitjen e saj me Hamiltonin, burimet e TMZ “thonë se as atje nuk ka asgjë romantike, gjithçka është miqësore”. Kështu duket se Shakirën do ta shohim single edhe për pak kohë.
